গভর্নমেন্টকী কান্নবশিং অসি বিনিফিসরিশিংদা হকথেংন্না ফংহন্নবা গভর্নমেন্টকী ওফিসিয়েলশিংনা মরুওইবা থৌদাং লৌগদবনি
নুমিৎ হুম্নিগী খোঙচৎতা মনিপুরদা লাকখিবা য়ুনিয়ন মিনিষ্টর ওফ ষ্টেট হোম এফিয়ার্স নিত্য়নন্দনা ঙসি থৌবাল দিষ্ট্রিক্টতা পায়খৎলিবা সেন্ট্রেল গভর্নমেন্টকী স্কিমশিং য়েংশিনখ্রে। স্কিমশিং অসি হেন্না মপুং ফানা ইমপ্লিমেন্ট তৌবা ঙম্নবা দিষ্ট্রিক্ট লেবেল ওফিসরশিং ফিল্ডদা হকথেংন্না চৎতুনা ষ্টোক সিচুয়েসন অদু য়েংশিন্নবা খংহনখ্রে। থৌবাল দিষ্ট্রিক্টকী দিপ্য়ুটি¡ কম্মিস্নারগী কনফরেন্স হোলদা দিষ্ট্রিক্ট¡ অদুগী দিষ্ট্রিক্ট¡ লেবেল ওফিসরশিং য়াওবা সেন্ট্রেল গভর্নমেন্টকী তোঙান তোঙানবা স্কিমশিং দিষ্ট্রিক্ট¡ অদুদা পায়খৎলিবশিং অদু রিবিয়ু তৌখি। রিবিয়ু মীটিং অদুদা থৌবাল দিষ্ট্রিক্টকী দিপ্য়ুটি¡ কম্মিস্নার এ সুভাশ, থৌবাল দিষ্ট্রিক্ট পুলিসকী এস পি য়োগেসচন্দ্র হাওবিজম, এদিস্নেল দিষ্ট্রিক্ট¡ মেজিষ্ট্রেট অমদি দিষ্ট্রিক্ট¡ লেবেল ওফিসরশিংসু শরুক য়াখি। রিবিয়ু মীটিং অদুদা দিষ্ট্রিক্ট অসিগী তোঙান তোঙানবা দিপার্টমেন্টশিংনা পায়খৎলিবা সেন্ট্রেল স্পোন্সর স্কিমশিং অদুগা মরি লৈননা ওফিসিয়েলশিংনা য়ুনিয়ন মিনিষ্টর ওফ ষ্টেট নিত্য়নন্দ রাইদা মরিক চুম্বা ৱাফমশিং থমখি। দিপার্টমেন্টশিংনা সেন্ট্রেল স্পোন্সর¡ স্কিমশিং নিংথিজনা পায়খৎপা অসিদা য়ুনিয়ন মিনিষ্টর ওফ ষ্টেটকী মাইকৈদগী থাগৎপা ৱাফম কয়ামরুম ফোংদোকখি। জন জিবন মিসন দিষ্ট্রিক্ট¡ অসিদা নিংথিনা পায়খৎলম্বা অসিদা অপেন্বা ফোংদোকখি। সেন্ট্রেল স্পোন্সর¡ স্কিম অমা ওইরিবা জন জিবন মিসন অসি লাক্লিবা কুমজা ২০২৪ ফাওবদা য়ুমথোং খুদিংদা তোতি কোন্জিন পান্দুনা মীয়ামদা অফবা ঈশিং মরাং কায়না ফংহন্নবা স্কিমনি। দিষ্ট্রিক্ট¡ অসিদা ইমপ্লিমেন্ট তৌরিবা মোদেল অসি ইন্দিয়াগী অতোপ্পা মফমশিংদসু ইমপ্লিমেন্ট তৌবা য়াগনি। য়ুনিয়ন মিনিষ্টর ওফ ষ্টেটনা মখা তানা ওফিসিয়েলশিংদা নাশা মুক্তা ভারত অভিয়ান অসি হোস্পিতাল অমসুং রিহেব্লিটেসন সেন্টরশিংদা কাউন্সেল্লিং অমসুং ট্রিটমেন্টকী খুদোংচাবশিং অদু খংহন্নবা হোৎনগদবনি হায়খি। মিসন অমূট সরোভরগী মখাদা লৈবাক অসিগী দিষ্ট্রিক্ট¡ খুদিংমক্তা ৱাটর বোদি ৭৫ দেভলপ অমদি রিজুভেনিটিং তৌনবা পান্দম থম্লি। অজাদিকা অমূট মহোৎসবকী শরুক অমা ওইনা থৌরাং অসি লৈবাক অসিদা নিংথিজরবা মীয়াম্না পুক্নিং চিংশিন্নিংঙাই ওইগদবা ৱাতর বোদিশিং শেমগৎনবা পায়খৎপনি। অমূট সরোভর প্রোজেক অসি দিষ্ট্রিক্ট অসিদা কুমজা ২০২৩ গী আগষ্ট থা ফাওবদা মপুং ফানা লোইশিন্নবা হোৎনরি। গভর্নমেন্টকী কান্নবশিং অসি বিনিফিসরিশিংদা হকথেংন্না ফংহন্নবা গভর্নমেন্টকী ওফিসিয়েলশিংনা মরুওইবা থৌদাং লৌগদবনি হায়না ফোংদোকখি। অমরোমদা য়ুনিয়ন মিনিষ্টর ওফ ষ্টেট নিত্য়নন্দ রাইনা ঙরাং অসাম রাইফলসকী কাংবু অমগা ইন্দো ম্য়ান্মার বোর্দর ফেন্সিংগী থবক য়েংশিনখি। লোইননা খুদেংথাবিদা লৈবা পর্মানেন্ট ভেহিকল চেক পোষ্টসু য়েংসিনখি।