পুলিসকী য়ুনিফোর্মদা অমদি লৈঙাক্কী গারিদা দ্রগ পুথোক পুশিন তৌবদা চেন্নরকপা  অসি লাইবক থিবনি – কোংগ্রেস

ৱার ওন দ্রগকী কেম্পেইন  চত্থরিঙৈদা দ্রগকা মরি লৈন্নবা কেস কয়ারুম   লৈথোকখিবা লৈখ্রে

মনিপুর লৈঙাক্না ৱার ওন দ্রগ ২.০ চত্থরিঙৈ অসিদা পুলিসকী য়ুনিফোর্মদা অমদি লৈঙাক্কী গারিদা দ্রগ পুথোক পুশিন তৌবদা চেন্নরকপা  অসি লাইবক থিবনি, মসিগী মোরেল রেষ্পোন্সিবিলিটি  কনানা পুগনি অদুগা মনিপুরগী দি জি পি না রেষ্পোন্সিবল লৌদুনা রিজাইন তৌগদ্রা নৎত্রগা হোম পায়রিবনা  রিজাইন তৌগদ্রা  হায়না মনিপুর  কোংগ্রেস কম্মিতি (এম পি সি সি) গী প্রসিদেন্ট কৈশাম মেঘচন্দ্র,  ৱাংখেম এ সি গী এম এল এ না মরি লৈনবশিংগী পুক্নিং চিংশিনখ্রে।   ৱাফম  অসি ঙসি অয়ুক ককচিং দিষ্ট্রিক্ট পুলিস কমান্দো কাঙবু অমনা  পুলিস কমান্দো টিম অমদগী হেরোইন নম্বর ফোরনি হায়বা কিলোগ্রাম ১.৩৩৬,   দব্লিউ ৱাই টেব্লেৎ কিলোগ্রাম ৯.১৫১ গা কোন্ননা ফাগৎখিবা অদুগী মতাংদা ককচিং দিষ্ট্রিক্ট পুলিসকী  এস পি গী ওফিসতা লাকতুনা  এস পি গা ৱারি  শানরবা মতুং পাওমীশিংদা ৱাফম  অসি ফোংদোকখিবনি।

এস পি  গা  উনবা  অদুদা ককচিং ব্লোক কোংগ্রেস কম্মিতিগী প্রসিদেন্টসু   য়াওখি। কৈশাম মেঘচন্দ্রনা হায়খিবদা ককচিং পুলিসনা  য়াম্লবা ময়াই কাবা নিষাগী পোৎলমশিং ফাগৎখিবা  অদু থাগৎলি। অদুবু  পুলিস য়ুনিফোর্মদা লৈন্না  অমদি লৈঙাক্কী গারিদা মতৌ করম্না পুরক্লিবনো হায়বা অসিগী মতাংদা ৱাহং অমা লাকই।  পুলিসকী টিমনা দ্রগ পুরক্লগদি মীয়ামদা পিরিবা মেসেজ অসি করিনো হংখিবগা লোয়ন্ননা মনিপুরদা ময়াই কাবা নিষাগী মেনুফেকচরিং সেন্টর হাংদোক্লিবা, চিংমায় কয়াদা পাক শন্না পোপী থারক্লিবা   অসি ৱার ওন দ্রগ চত্থরিঙৈ মতমদনি হায়নসু  ফোংদোকখি। হান্নদি ময়াই কাবা নিষাশিং  পুথোক পুশিনখক্তা তৌরমবনি অদুবু মতম খরাগী  মমাংদগী চিংমাইশিং পাক শন্না কোকথোকতুনা পোপি পাম্বিশিং থারকখিবা অসিদগী  ৱার ওন দ্রগ অসি মরম চারিব্রা হায়বগী  ৱাহং নোংমা নোংমগী হেনগৎল্কি। পুলিসকী টিম্না দ্রগ করবার তৌবদি য়ারগা মীয়াম্নদি করিগী য়ারোইদৌরিবনো হায়বগী ৱাহংসু  লাক্লি হায়খি। মহাক্না মখা তারদুনা নোর্থ ইষ্ট ষ্টেটকী ওইনা ময়ই কাবা দ্রগ কা হেন্না ফাগৎখিবশি থৌবাল দিষ্ট্রিক্টনি । হৌখিবা চহিশিং ২০২০ অমদি ২০২১ অদুৱাইদা লুপা কোতি ৪০০ হেনবগী দ্রগ থৌবাল দিষ্ট্রিক্টতগী ফাগৎখিবা অদুদা ফোরেন্নর অমদি মনিপুর পুলিসকী পার্সোনেলশিং য়াওখি অদুগা ফাগৎখিবা দ্রগশিং অদুসু  বি জে পি  লৈঙাকশিগী  ৱার ওন দ্রগ চত্থরিঙৈদনি, হৌজিক মদুগী কেস কদাইদা লৈখ্রবগে? দ্রগকা কোন্ননা ফাখিবা মীওইশিং অদু বেলদা থাদোকখ্রে ৱার ওন দ্রগকী কেম্পেইন  চত্থরিঙৈদা দ্রগকা মরি লৈন্নবা কেস কয়ারুম   লৈথোকখিবা লৈখ্রে।মনিপুর  কোংগ্রেস কম্মিতি (এম পি সি সি) গী প্রসিদেন্ট কৈশাম মেঘচন্দ্র মখা তারদুনা হায়  মমাংদা থোকখিবা থৌদোক কয়া অদু মতুংদা অমুক হন্না থোক্তনবা ককচিং দিষ্ট্রিক্টকী  এস পি উন্নবা লাকপনি। লুপা ক্রোর ৪০০ হেনবগী দ্রগকা কোন্ননা ফাখিবশিং বেলদা থাদোকখিবা অসিনা হন্দকসু  বেলদা থাদোকখিগদ্রা খল্লি । পোপি পাম্বী কৎথৎপা অমদি ভিলেজ চিফশিং উনবখক্না  বি জে পি  লৈঙাকশিনা চংশিল্লিবা   ৱার ওন দ্রগ অসি মপুং ফাবা ঙমলোই। পুলিসনা দ্রগ করবার তৌবদা য়াওশিল্লক্লিবা  অসি কনানা মোরেল রেষ্পোন্সিবল লৌগদগে অদুগা কনানা রিজাইন  তৌগদগে হায়নাসু মহাক্না হংখি।  অতোপ্পা ষ্টেটশিংদদি মোরেল রেষ্পোন্সিবিলিতি অসি  লৌনৈ হায়না মরি লৈনবশিংগী পুক্নিং চিংশিনখি।   পুলিসকী টিমনা করবার তৌবা য়াওশিল্কপা অসিদা প্রোজিকুসন, ইনভেষ্টিগেসনচিংবা য়াম নিংথিনা  তৌদুনা লৈঙাকশিনা চংশিল্লিবা  ৱার ওন দ্রগ অসি মগুন লৈহন্নিংবগী  অপাম্বসু ফোংদোকখি।  

Leave a Reply

Your email address will not be published.