এন আই এ না মোরেদগী তেরর ফন্দিং/এক্সর্টোসনগা মরি লৈননা মোরেদগী মীওই অমসু মোরে বোর্দর টাউন ম্যন্মাররোম থংবা সাইদতগী মীওই ১ ফাগৎখিবগা লোইননা হৌজিক ফাওবদা এন আই এ না তেরর ফন্দিং/এক্সর্টোসন কেসকা মরি লৈননা ফাগৎখিবা মীওই পুননা ৫ শুখ্রে। মখাতানা এন আই এ না ঙসি মোরেদা লৈবা বেঙ্ক ৪ মতম অমত্তদা চংদুনা রেইদ চত্থখি। বেঙ্ক একাউন্ট ৯ শিজ তৌখি লোয়ননা বেঙ্ক ওফিসিয়েলশিং ৱাহং পাওহং চত্থখ্ৰে হায়রি। এন আই এ গী সোর্স অমনা মতুং ইন্না, ফারবা মখোয় ৫ অদুগী মনুংদা ২ দি ম্যন্মারিনি। ম্যন্মারি ২ অসিগী মনুংদা অমদি থা অসিগী ১৪ দা বোর্দর টাউন মোরেদগী ফাগৎখিবনি অদুগা অমনা ঙরাং ফাগৎখিবনি। থা অসিগী ১৪ দা এন আই এ অমদি ৫শুবা অসাম রাইফলসকী কাংবু অমগা লোয়ননা মোরেগী তোঙান তোঙানবা মফম ৪ দা রেইদ চত্থখিবা অদুদা ম্যন্মারি ১ য়াওনা পুন্না মীওই ৪ ফাগৎখি । হায়রিবা ফারবা মীওইশিং অসিদগী শেল ওইনা লুপা লাখ ৩০, মরি লৈনবা দোকুমেন্টশিং অমসুং মোবাইল হেন্দসেট ৪ সু রিকোবর তৌবা ঙমখি। ফারবা মীওইশিং অদুগী মমিংনা সুরজ জসৱাল, সন্তোস গুপ্ত, দিপক শর্ম্ম অমদি নেপোলিয়ন কৌই। মখোয় ৪মক অসি দ্যুতি মেজিস্ত্রেট ইম্ফালদা পুথোক্লবা মতুং থা অসিগী ২৩ ফাওবা এন আই এ না কষ্টদি রিমান্দ লৌথখ্রে।
মীওই ৪ অসি ফারবা মতুং এন আই এ না ম্যন্মার ওথোরিটিদগী গ্রীন সিগনেল ফংলবা মতুং ঙরাং মখা তানা তেরর ফন্দিং/এক্সর্টোসন কেসকা মরি লৈননা মোরে খুনৌ লৈকাইদগী সাইখোম ব্রুস (৩৯) অপোকপা সাইখোম য়াইসকুল কৌবা অমসু ফাগৎখিবনি।